தீபாவளிப்பண்டிகையை முன்னிட்டு மக்கள் வசதிக்காக 50 சிறப்பு பேருந்துகள் இயக்கம்

சென்னையில் தீபாவளிப்பண்டிகையை முன்னிட்டு மக்கள் ஷாப்பிங் செல்ல ஏதுவாக சென்னையில் 50 சிறப்பு பேருந்துகள் இயக்கப்படும் என்று சென்னை மாநகர் போக்குவரத்துக்கழகம் அறிவித்துள்ளது.

சென்னை மாநகர் போக்குவரத்துக்கழகம் அறிவித்துள்ள தகவலின்படி,

• தீபாவளியை முன்னிட்டு, வணிக வளாகங்களுக்கு சென்று வர ஏதுவாக வார இறுதி நாட்களில் சிறப்பு பேருந்துகள் இயக்கப்படும்.
• சென்னையில் 7 நாட்களுக்கு 25 வழித்தடங்களில் 50 கூடுதல் சிறப்பு பேருந்துகள் இயக்கப்படும்.
• அக்டோபர் 24,25,26,31 நவம்பர் 1,7,8-ம் தேதிகளில் 25 வழித்தடங்களில் 50 கூடுதல் சிறப்பு பேருந்து இயக்கப்படும்.
• தி.நகர், புரசைவாக்கம், வள்ளலார்நகர் உள்ளிட்ட இடங்களுக்கு சென்றுவர ஏதுவாக பேருந்துகள் இயக்கப்படும்.
• சிறப்பு பேருந்துகளை எளிதாக அடையாளம் காண, பேருந்தின் முகப்பில் தீபாவளி சிறப்பு பேருந்து என ஸ்டிக்கர் இருக்கும்

இவ்வாறு அதில் தெரிவிக்கப்பட்டுள்ளது.