அமெரிக்காவில் சிறிய ரக ஆம்புலன்ஸ் ஹெலிகாப்டர் விபத்து..! சம்பவ இடத்திலேயே பலியான பணியாளர்கள்..

அமெரிக்காவில், சிறிய ரக மருத்துவ ஆம்புலன்ஸ் ஹெலிகாப்டர் விபத்தில் சிக்கியதில் 2 பணியாளர்கள் உயிரிழந்தனர்.

அலபாமா மாகாணத்தில் உள்ள செல்சியாவில் மலையேற்ற பயிற்சியில் ஈடுபட்டிருந்தவருக்கு திடீரென மூச்சுத்திணறல் ஏற்பட்டதாக, மருத்துவமனைக்கு தகவல் கிடைத்ததைத் தொடர்ந்து 3 பணியாளர்களுடன் மருத்துவ ஹெலிகாப்டர் புறப்பட்டுச் சென்றது.

புறப்பட்ட சிறிது நேரத்தில், ஹெலிகாப்டர் தீ பிடித்து கீழே விழுந்ததாகவும், அதிலிருந்தவர்களில் ஒருவர் அதே இடத்தில் இறந்த நிலையில், மருத்துவமனையில் அனுமதிக்கப்பட்ட 2 பேரில் ஒருவர் சிகிச்சை பலனின்றி இறந்ததாகவும் தெரிவிக்கப்பட்டுள்ளது.

உயிருக்கு போராடியவரை காப்பாற்ற சென்ற ஆம்புலன்ஸ் ஹெலிகாப்டர் விபத்துக்குள்ளானது அப்பகுதி மக்களிடையே பெரும் சோகத்தை ஏற்படுத்தி உள்ளது . மறுபக்கம் விபத்திற்கான காரணம் குறித்து தேசிய போக்குவரத்து பாதுகாப்பு வாரியம் தீவிர விசாரணை மேற்கொண்டு வருகிறது .