பாகிஸ்தானில் சட்ட விரோதமாக தங்கியுள்ள 17 லட்சம் ஆப்கானியர்கள் உடனே நாட்டை விட்டு வெளியேற உத்தரவு..!

பாகிஸ்தானில் நடந்த பெரும்பாலான தற்கொலை படை தாக்குதலுக்கு ஆப்கானிஸ்தான் பிரஜைகளே காரணம் என அந்நாட்டு அரசு அண்மையில் குற்றம்சாட்டியிருந்தது.

இந்நிலையில், நாட்டில் சட்டவிரோதமாக வசிக்கும் 17 லட்சம் ஆப்கானியர்கள் இந்த மாத இறுதிக்குள் வெளியேற வேண்டும் என பாகிஸ்தான் உத்தரவிட்டுள்ளது.

இதுதொடர்பாக உள்துறை அமைச்சர் சர்ஃப்ராஸ் புக்டி கூறியதாவது :

பாகிஸ்தானில் வசிக்கும் சுமார் 1.73 மில்லியன் ஆப்கானிஸ்தான் பிரஜைகளிடம் சட்டப்பூர்வ ஆவணங்கள் ஏதுமில்லை. நாங்கள் அவர்களுக்கு நவம்பர் 1 ஆம் தேதி வரை காலக்கெடுவை வழங்கியுள்ளோம். தானாக முன்வந்து வெளியேறாதவர்கள் நாடு கடத்தப்படுவார்கள்,

இருப்பினும் யார் வெளியேறுகிறார்கள் என்பதை எவ்வாறு கண்காணிப்பது அல்லது அவ்வாறு செய்யாதவர்களை எவ்வாறு கண்டுபிடிப்பது என்பது தெளிவாகத் தெரியவில்லை.

அவர்கள் செல்லவில்லை என்றால். அவர்களை நாடு கடத்துவதற்கு மாகாணங்களில் உள்ள அனைத்து சட்ட அமலாக்க முகமைகளும் அல்லது மத்திய அரசும் பயன்படுத்தப்படும்” என்று புக்டி தெரிவித்தார்.

நவம்பர் 1 முதல், ஆப்கானியர்கள் செல்லுபடியாகும் பாஸ்போர்ட் மற்றும் விசாவுடன் மட்டுமே நாட்டிற்குள் நுழைய முடியும் என்றும் புக்டி அறிவித்துள்ளார்.