10, 11, 12ம் வகுப்பு செய்முறை தேர்வுகளை முன்கூட்டியே நடத்த பள்ளிக்கல்வித்துறை திட்டம்

2022- 23 கல்வியாண்டிற்கான 12ம் வகுப்பு பொதுத் தேர்விற்கான கால அட்டவணை ஏற்கனவே வெளியிடப்பட்டு விட்டது. அதன்படி, மார்ச் 13 முதல் ஏப்ரல் 3 வரை 12ம் வகுப்பு பொதுத் தேர்வு நடைபெறுகிறது.

நடப்பாண்டுக்கான, 12ம் வகுப்பு பொதுத் தேர்வை சுமார் 8 லட்சம் மாணவர்கள் எழுத உள்ளனர். அடுத்த மாதம் 12ம் வகுப்பு மாணவர்களுக்கு செய்முறை தேர்வு நடைபெற உள்ளதாக அறிவிக்கப்பட்டு இருந்தது.

இந்நிலையில் 10, 11, 12 ஆம் வகுப்புகளுக்கான செய்முறை தேர்வு தேதிகளில் மாற்றம் செய்யப்பட்டுள்ளது. செய்முறை தேர்வு 6 முதல் 10ம் தேதி வரை நடைபெறும் என்று அறிவிக்கப்பட்ட நிலையில் முன்னரே செய்முறை தேர்வை நடத்த முடிவெடுக்கப்பட்டுள்ளது. செய்முறை பொதுத்தேர்வு தேதி விரைவில் அறிவிக்கப்படும் என்று அமைச்சர் அன்பில் மகேஷ் பொய்யாமொழி தெரிவித்துள்ளார்.

அதேபோல் 10, 11 மற்றும் 12ம் வகுப்பு தேர்வு முடிவுகள் வெளியாகும் தேதி அறிவிக்கப்பட்டுள்ளது. 12ம் வகுப்பு தேர்வு முடிவு மே 5ஆம் தேதியும், 10ம் வகுப்பு தேர்வு முடிவு மே 17ஆம் தேதியும் வெளியாக உள்ளதாகவும், 11ம் வகுப்பு தேர்வு முடிவு மே 19ஆம் தேதி வெளியாகும் எனவும் தகவல் வெளியாகியுள்ளது